தீயாய் பரவும் நடிகை பிரியங்கா மோகன் அந்தரங்க காட்சிகள்

தீயாய் பரவும் நடிகை பிரியங்கா மோகன் அந்தரங்க காட்சிகள் குறித்து நடிகை வெளியிட்டுள்ள அறிவிப்பு இதோ.

நடிகை பிரியங்கா அருள் மோகன், தன்னைப் பொய்யாகக் காட்டும் சில ஏஐ (AI) உருவாக்கப்பட்ட படங்கள் சமூக வலைதளங்களில் பரவுவதாகக் குறிப்பிடி, ரசிகர்களையும் பொதுமக்களையும் அவற்றைப் பகிர வேண்டாம் என வேண்டுகோள் விடுத்துள்ளார்.

தமிழ் மற்றும் தெலுங்கு திரைப்படத் துறைகளில் பிரபலமான பிரியங்கா, தனது சமூக வலைதளப் பக்கங்களில் பதிவிட்டுள்ள குறிப்பில், “என்னைப் பொய்யாகக் காட்டும் சில ஏஐ உருவாக்கப்பட்ட படங்கள் பரவுகின்றன. இந்தப் போலி படங்களைப் பகிரவோ, பரப்பவோ வேண்டாம். ஏஐயை நெறிமுறைப்படி படைப்பாற்றலுக்காகப் பயன்படுத்த வேண்டும்; தவறான தகவல்களைப் பரப்புவதற்காக அல்ல. நாம் உருவாக்குவதிலும் பகிர்வதிலும் பொறுப்புணர்வுடன் இருக்க வேண்டும்” என்று தெரிவித்துள்ளார்.

பிரியங்கா அருள் மோகன் சமீபத்தில் நடிகர் பவன் கல்யாண் நடிப்பில் வெளியான தெலுங்கு சூப்பர் ஹிட் படம் *‘தெய் கால் ஹிம் ஓஜி (They Call Him OG)’*யில் நடித்திருந்தார். சுஜீத் இயக்கிய இந்தப் படம், கடந்த செப்டம்பர் 25 அன்று வெளியானது. இதில் பவன் கல்யாண், பிரியங்கா அருள் மோகன், எம்ரான் ஹாஷ்மி, பிரகாஷ் ராஜ், ஸ்ரீயா ரெட்டி உள்ளிட்டோர் முக்கிய கதாபாத்திரங்களில் நடித்துள்ளனர்.

பிரியங்கா சமீபத்தில் இன்ஸ்டாகிராமில் அந்தப் படத்தின் படப்பிடிப்பு புகைப்படங்களைப் பகிர்ந்து, “எங்களுக்கு மிகவும் முக்கியமான நினைவுகளின் சில தருணங்கள். நம் படத்திற்கு அளித்த அன்புக்கும் ஆதரவுக்கும் நன்றி. உங்கள் அருகிலுள்ள தியேட்டர்களில் ‘ஓஜி’ படத்தைப் பாருங்கள்” என்று ரசிகர்களுக்கு நன்றியைத் தெரிவித்துள்ளார்.

தற்போது இரண்டு புதிய படங்களில் நடித்து வரும் பிரியங்கா, ஒன்றில் இயக்குநர் ராஜேஷ் மற்றும் நடிகர் ரவி மோகனுடன் இணைந்து நடிக்கிறார். மற்றொன்று இயக்குநர் கென் ராய்சன் இயக்கத்தில், நடிகர் கவின் கதாநாயகனாக நடிக்கும் ஃபேண்டஸி ரொமான்டிக் காமெடி திரைப்படம் ஆகும்.

இந்த படம் பிரபல Think Studios நிறுவனம் தயாரிக்கிறது. இசையமைப்பாளர் ஓஃப்ரோ இசையமைக்கிறார். தயாரிப்பாளர் ஸ்வரூப் ரெட்டி தயாரிக்கும் இந்த படம், கவின் மற்றும் பிரியங்கா அருள் மோகன் இணையும் முதல் முயற்சியாக இருப்பதால், ரசிகர்களிடையே பெரும் எதிர்பார்ப்பை ஏற்படுத்தியுள்ளது.

திரைப்படத் துறையில் ஏஐ தொழில்நுட்பத்தின் தவறான பயன்பாடு குறித்து நடிகையின் இந்த எச்சரிக்கை பதிவு, ரசிகர்களிடமும் சமூக வலைதளப் பயனர்களிடமும் பரவலான ஆதரவைப் பெற்றுள்ளது.